Rabu, 28 November 2018

Download Buku Kalangsu 2 Gratis

Mangga kangge koleksi buku dongeng sundana kalangsu 2 Karangan Ki Dagar.

Tiasa di download langsung gratis kantun klik di handap ieu.:

Download Buku kalangsu 2

Minggu, 25 November 2018

Download Buku Muara Sunda (Kumpulan Carpon)

Klik palih dieu Muara Sunda.pdf

Sabtu, 21 Juli 2018

Download Font Sunda Kaganga Kaluaran UNPAD

Tim taluntik Universitas Padjadjaran resmi ngaluarkeun font Sunda Kaganga kaluaran paling anyar. Font anu di bere ngaran Sunda v Unpad bisa di gunakeun baraya Tepas Sunda sagampil ngetikeun huruf latin biasa.

Kaunggulan font Sunda kaganga versi anyar nyaeta bisa di gunakeun di sagala jenis platform komputer. naha eta jenis windows atawa linux

Nu ieu nuju rame lur : Download buku dongeng Kalangsu

Font Sunda v Unpad di aku tos di daftarkeun janteun Hak Intelektual di bawah naungan Unpad, Janten ngagunakeuna di lindungan ku UU HAKI. Baraya Tepas Sunda tiasa ngadownload Font Sunda Kaganga di dieu http://sundanesewords.com/home/unduhan ukurana ukur 675 kb salian ti font oge aya cara pikeun ngagunakeuna.

Saentos di ekstrak teras di instal dina komputer nu ngagunakeun OS Windows tepasunda. blogspot.com bisa sacara gampang ngagunakeuna. Teu ukur dina Microsoft Word, tapi oge di gunakeun dina notepad, photoshop oge coreldraw.

Huruf Sunda Kaganga mangrupakeun modifikasi tina huruf sunda asli nu aya dina naskah sunda kuno jeung prasasti. Diantarana naskah carita parahiangan di ahir abad ka 16 oge prasasti kawali ti Astanagede Ciamis nu muasalna tina tengah - tengah abad ka 14.

Sabtu, 14 Juli 2018

Download E - Book Kalangsu Gratis

Download E-Book Kalangsu Gratis

Husus kangge Pamiarsa Tepas Sunda, Ki Dagar parantos nyayogikeun Buku Elektronik Kalangsu anu tiasa di Download sacara gratis ukur di blog Tepas Sunda.

Judul Buku : Kalangsu
Karangan : Ki Dagar
Kandel Buku : 71 halaman
Edisi : Cetakan ka 3 taun 2015
Publishing : CV. Multi Indah Media Banten

Mangga klik di Link Palih Dieu : Download Buku Kalangsu

Atanapi Link Mediafire anu ieu : Download E-Book Kalangsu

Rabu, 04 Juli 2018

Sajak Wawakil Ati

Tepis miring panyarandean hate

Waktu poe condong ka kulon

Raga urang cindek paanggang

Tapi soca pateuteup geugeut

Hate ngubara leupas tina simpayna

Sidik urang geus baroga panutan
Gurat seuneu lain hahalang
Bongan urang wani wawuh
Kembang tresna ngawangun rumpaka rasa
Pakait rasa lain dihaja

Waktu poe condong ka kulon
Uplek ngobrol meakeun mangsa
Hariwang hamo bisa dibubi-buni
Sorot soca nitenanan tanggal
Limabelas poe datang sajorelat
Wanci paturay baris datang
Hanca urang nalarik jangkar
Pikeun mulang kanu ngantian
Dua hate tetep tibelat
Dumeh hirup halabhab cinta

Waktu poe condong ka kulon

Rundayan katineung rek dipalerkeun

Talaga wening nyangrkrung na soca

Hambar diri pungkas tibelat

Ngalongkewang leupas pamuntang
Kecap pisah mungkasmungkaskeun asih
Wilujeung angkat kadeudeuh hate
Sugan jaga mawa harepan
Sugan poe datang deui keur urang duaan
Ngukir carita dina tepis miring panyarandean hate

Tungtung lamunan

panon poe nojo hate

nangkeup haneut lelembutan

mangle siloka tungtung lamunan

ngadalaingdingkeun hariring

kawih asih na dasar katineung
ngagalura lebah lolongkrang rasa
jadi kembang panganteur lengkah
gugupay ngajak eunteup ku geugeut
malar janten tarate papaes hate
kantenan dina saliring dumadi
asih ngamalir bukti teu jalir
katresna nu mangkak moal sulaya…

Neuteup eunteung…

Neuteup eunteung ngukur kaludeung

Negerkeun hate supaya teuneung

Rumpaka raray gurat kahirupan

Moal bohong da baris katembong

Garis-garis teges balaka carita

Ngingetkeun hirup jeung pangkatna

Neuteup eunteung kalah keueung

Raray ngagambar carita ka tukang

Nyata bengras mawa kareuwas

Panon cinulang jadi hariwang

Hirup pinuh lamokot ku dosa

Nuteup eunteung ukur sakeudeung

Maca raray kalah teu wasa

Rumasa diri loba kurangna

Iwal sumerah neda hampura

Ka pangeran nu kawasa

Bangbara cinta

Bangbara cinta ngulampreng maturan rasa

Jangjang ngeleper mairan hate nu ngageter

Hiber mawa lamunan ka panutan

Euntreup na hate� nu pinuh lambaran kacinta

Lamunan kalimpud ombak harepan

Naratas bagja iwal jeung jungjunan

Hanjakal anjeun teu surti

Hanjakal anjeun teu ngarti

Bangbara cinta angger hiber mapayan hate

Alim padeukeut datang ukur saliwat

Nyarande na hate ukur mepende

Ninggalkeun hate nu katalimbeng

Kapidangdung nyorang tunggara

Dina munggaran katresna

Ka panutan bangbara cinta

Kagagas� kasiksa

Sada gugur dikapitu

Sada gelap ngadasaran

Kendang sada ciang-ciang

Sadrah tepak raden sancang

Di geng gong tara katembong

Nyeri dumehna patebih

Nalangsa dumehna paanggang

Patepang ukur impian

Tibelat taya kendatna

Hanjelu teu kapegung

Di tangtungkeun wuwuh lanjung

Lir cahya kakalicesan

Wuwuhan nambahan kagagas

Melang barang diri gering

Karasa tunggara mawa rasa

Mumuara na hate katirisan

Sorot mencrong sugan katembong

Sono lawas teu patembong

Patilasan iwal impian

Minangkala karingrang

Minangkala jeput cipanon

Tumampra neda pido’a

Tibelat taya kendatna

Nu taya bebentangannana

Sesah milari bandingannana

Melangna diri ka anjeun

Silang landih cahayaan

Langkung dawuh hate ngaistrenkeun

Marga rahayu jembar kapidangkeun

Kasebat ngaran keur budak

Kasebit ngaran keur leutik

Kasebut ngaran keur lembut

Nelengnenggung nelengnenggung

Geura gede geura jangkung

Sing tawakal midangkeun akal

Ringkuh ampuh ku pangaweruh

Lunguh tarapti mawa kana diri

Pageuhkeun rasa pangeling

Nyileuk hate ukur ka Gusti

Peugat Simpay

Geter-geter rasa nu kungsi datang

Jadi hiji rusiah nu can kungsi nyanding

Nilik ti beh dituna

Aya hiji hate nu ngaguliksek

Aya hiji rasa nu mawa kapanasaran

Asa ku geus lila

Asa ku geus kakubur sakieu lilana

Rasa cinta datang deui kasingkabkeun ku anjeun

Pikir nyabang ku teu bisa di bebenjokeun

Rasa kameulang…

Rasa hariwang… jadi ririwa kahirupan

Ingis ku bisi rempan ku sugan

Hate nyabang ka dua hate…

Antara anjeun nu anyar datang

Jeung anjeun nu geus lila nyanding

Duh Gusti…

Naha kieu nasib hate

Kieu salah kitu salah

Ieu kumaha itu kumaha

Ngarasa dosa… waktu balaka carita

Ka anjeun nu anyar datang

Ka anjeun nu jadi pangulinan rasa

Ka anjeun nu teu sadar kana rusiah hate

Ka anjeun nu kungsi ceurik balilihan

Ka anjeun nu ayeuna teu bisa narima

Pegatna simpay kaasih

Purwadaksi ngukur ka diri

Rasa salah beuki nambah

Awak ngajirim hate kumalayang

Sadar ku laku era ku lampah

Anjeun nu satia, anjeun nu sakitu belana

Jungjunan hate bebene rasa

Hapunten akang nu teu bisa satia…

Nu teu bisa ngajaga titipan rasa kacinta anjeun….

Karasa Parna…

Cindekul awak sakujur

Maca diri geus sakieu uzur

Raga ngan saukur titipan ti Gusti

Cindek diri ngan hiji

Nu jauh kasintung kalapa

Lieuk batur lieuk deungeun

Awak kasiksa…

Lir kalakay katebak angin

Leuleus teu walakaya

Duh ema hapunten putra…

Ieu awak pinuh ku dosa

Kieu rasana jauh ngumbara

Waktu raga karasa parna

Nyorang Lamunan… (2)

Hiliwir angin galindengna alam

Mawa rasa hariring ati

Hayang miang loba karingrang

Hate kumalayang lembur keur disorang

Hate peurih teu bisa mulang

Pangumbaraan tetep jadi saksi

Hate nyantel ka lemah cai

Nyorang Lamunan…

Jentreng kacapi hiliwirna ati

Ngraksuk ngarambah manah

Gelik suling mirig sepina hate

Batin peurih raga kasiksa

Awak saukur kalakai katebak angin

Hate kumejot awak teu wasa

Ati jumerit nyorang lamunan

Waktu sora cai ngagiricik

Waktu angin nu ngahiliwir

Pare koneng ngagupayan

Asa geus deukeut

Asa hareupeun

Lembur matuh karang pamidangan

Kasorang di pangumbaraan

Hariwang tungtung lamunan

panon nyileuk nungturkeun lamunan

milang renghap dina simpena wiati

hariwang tresna kalid sulaya

tunggara ngeukeup bangbaluh

hujan cipanon teu bisa raat
hate raheut nyorang tunggara

hariwang puguh hariwang

bagja hate ukur saliwat

jungjunan jauh ditungtung lamunan

anggang waruga teu karampa

palangsiang ajeun sulaya

ukur nyimbeuhan hate nu simpe
duriat udar tina simpay harepan

Selasa, 17 April 2018

Comot Koleksi MP3 Wayang Bobodoran

Sumangga kangge nambihan koleksi wayang bobodorana kolaborasi Cepot , Kang Ibing, sareng Bi Ijem tiasa langsung di comotan di google drive pribados

1. Astrajingga Beger
2. Beranak Dalam Kubur
3. Cepot tatarucingan
4. Cepot Calon Lurah
5. Cepot Nyandung
6. Cepot Katempuhan Buntut Maung
7. Cepot Opname
8. Cepot Ngaronda
9. Ijem Nyiar Gawe
10. Ngalamar
11. Gareng Jadi Paraji
12. Cepot Besuk
13. Cepot Buron
14. Cepot Triping
15. Cepot Tuker Cincin
16. Cepot Cawokah
17. Ijem Mojang Karawang

Senin, 16 April 2018

Comot MP3 Si Buntung Jago Tutugan 61-76 (Tamat)

Download Mp3 Dongeng Si Buntung Jago Tutugan Karyana Bapa S. Sukandar Sumangga kantun nyomotan bae di link pribados.

Comot MP3 Si Buntung Jago Tutugan Bagian ka 61-76 (Tamat)

Minggu, 15 April 2018

Jadwal Jeung Link Streaming Lalajo Persib

Link Streaming Lalajo Persib

Jadwal siaran langsung Persib puteran ka hiji
1. Persib VS Ps Tira - Jumat (23/3/2018) 18.30 WIB
2. Sriwijaya FC VS Persib - Minggu (1/4/2018) 18.30 WIB
3. Persib VS Mitra Kukar - Minggu (8/4/2018) 18.30 WIB
4.Arema FC VS Persib - Minggu (15/4/2018) 18.30 WIB
5. Persib VS Borneo FC - Sabtu (21/4/2018) 18.30 WIB
6. Persija Jakarta VS Persib - Sabtu (28/4/2018) 18.30 WIB
7. Madura United VS Persib - Jumat (04/5/2018) 15.30 WIB
8. Persib VS Persipura - Sabtu (12/5/2018) 18.30 WIB
9. Persebaya Surabaya VS Persib - Sabtu (19/5/2018) 20.30 WIB
10. Persib VS PSM Makassar - Rabu (23/5/2018) 20.30 WIB
11. Bali United VS Persib - Minggu (27/5/2018) 20.30 WIB
12.Persib VS Bhayangkara FC - Kamis (31/5/2018) 20.30 WIB
13. PSMS Medan VS Persib - Selasa (05/6/2018) 20.30 WIB
14. Persib VS PSIS Semarang - Minggu (08/7/2018) 18.30 WIB
15. Perseru Serui VS Persib - Kamis (12/7/2018) 13.30 WIB - Streaming
16. Persib VS Persela Lamongan - Senin (16/7/2018) 18.30 WIB
17. PS Barito Putera VS Persib - Minggu (22/7/2018) 18.30 WIB

Kanggo para BONJOVI (Bobotoh Lalajo di TV) di handap ieu aya sababaraha Link kanggo nonton Siaran Langsung Streaming Persib.
1. Indosiar liwat Vidio.com
2. TV Indosiar
3. TV Bersama
4. TV Online
5. SkyTV
6. TVxoe.com

Eleh menang tetep dukung persib, sabab persib salawasna.

Daftar Pamaen Persib Bandung 2018

Daftar Peamain Persib Bandung 2018

Dihandap ieu nyaeta jajaran pamaen resmi Persib di liga 1 2018 sapertos anu parantos di bewarakeun laman resmi Persib nyaeta aya 17 pemain baru sareung 12 pemain liga taun kamari.

Kiper (Goalkeepers)

78 – I Made Wirawan
1 – M. Natshir F. Mahbuby
89 – Imam Arief Fadillah
30 – M. Aqil Savik

Bek (Defenders)

22 – Supardi Nasir
6 – Tony Sucipto
12 – Henhen Herdiana
32 – Victor Igbonefo
4 – Bojan Malisic
2 – Wildansyah
16 – Indra Mustaffa
3 – Ardi Idrus
94 – M Sabil

Gelandang (Midfielders)

80 – Eka Ramdani
11 – Dedi Kusnandar
24 – Hariono
33 – Oh In-Kyun
8 – Gian Zola Nasrulloh
23 – Kim Jeffrey Kurniawan
7 – Atep
13 – Febri Hariyadi
20 – Fulgensius Billy Paji Keraf
27 – Puja Abdillah
14 – Agung Mulyadi
77 – Ghozali Muharram Siregar

Penyerang (Strikers)

10 – Ezechiel N’Douassel
9 – Airlangga Sutjipto
37 – Muchlis Hadi Ning Syaifulloh
99 – Jonathan Bauman

Pamain Persib Bandung 2018 diasuh lima urang palatih, nyaeta Roberto Carlos Mario Gomez (palatih utama), Herrie Setyawan (asisten palatih), Fernando Gasto Soler (asisten palatih/interpreter), Yaya Sunarya (palatih fisik ), dan Anwar Sanusi (palatih kiper).

Sabtu, 14 April 2018

Film Bahasa Sunda

Film Pondok Bahasa Sunda pikeun ubar lieur, nu baeud ge janteun seuri Sumangga di puter ah.

Jawara Banten

Film Sunda judulna Jojodoan

Film Sunda judulna Si Kardun

Jumat, 13 April 2018

Comot MP3 Dongeng Si Buntung Jago Tutugan 41-60

Download Mp3 Dongeng Si Buntung Jago Tutugan Karyana Bapa S. Sukandar Sumangga kantun nyomotan bae di link pribados.

Comot MP3 Si Buntung Jago Tutugan Bagian ka 41-60

Rabu, 11 April 2018

Download Mp3 Dongeng Si Buntung Jago Tutugan Bagian Ka 21-40

Download Mp3 Dongeng Si Buntung Jago Tutugan Karyana Bapa S. Sukandar Sumangga kantun nyomotan bae di link pribados.

Comot MP3 Si Buntung Jago Tutugan Bagian ka 21-40

Minggu, 08 April 2018

Latihan Dasar Penca Silat 1

Latihan Dasar maen po salian kangge bela diri , oge kangge olahraga. Mangga anu bade olahraga di bumi

Di handap ieu aya video gerakan dasar penca silat anu di candak tina ulin Cipatik

Jurus ka 1 dugi ka 4

Jurus ka 5 dugi ka 9

Jurus dasar penca silat di luhur di candak tina ulin Cipatik. Pami nu di handap ieu di candak tina KPSN (Keluarga besar Pencak Silat Nusantara)

Senam Jurus 1 dugi ka 12

Nu di handap ieu mah video cara latihan jurus - jurus tajongan, jejekan atawa sepakan dina jurus - jurus maen po.

Latihan Jurus, helang ngagalaprak, dadali nyamber anak hayam jeung sepak kuda beger

Sakitu heula anu kapihatur, mugia tiasa janteun manfaat kangge urang sarerea.

Download MP3 Si Buntung Jago Tutugan Bagian Ka 1-20

Sabtu, 07 April 2018

Wayang Golek Bobodoran

Bilih pamiarsa nuju lieur, rungsing, stres atawa galau, cobian ubaran ku wayang golek bobodoran si Cepot. Nembe di upload aya mp3 sareung mp4 tiasa di puter atanami di download. Ubar kesel sareng batur ngaronda. mangga langsung ka TKP sajah. Tos di gamparkeun samak sareung di sayogikeun cikopi lalawuhna mah mekel nyalira.

Mangga nyanggakeun.

Cepot Cawokah

Cepot Kembar

Cepot Rarabi

Cepot Tatarucingan
Cepot Adu Masalah
Cepot Besuk
Cepot Buron
Cepot Calon Lurah
Cepot Diajar Da'wah
Cepot Kapanggih Modal
Cepot Nyandung
Cepot Nyumput
Cepot Opname

Sakitu heula, sanes waktos urang upload deui lalakon anu sanesna.

Jumat, 06 April 2018

Koleksi Wayang Golek Giriharja 3

Kangge anu resep kana Wayang Golek, utamina wayang golek Giriharja 3 pimpinan Ki Dalang Asep Sunandar Sunarya, Sumangga di handap ieu aya koleksi mp3 sareung video/mp4. Tiasa di setel langsung atanapi di download/di comot. teu langkung pamiarsa.

MP3

Abimanyu gugur .mp3

Amar Sakti .mp3

Arimbi Ngadeg Jadi Ratu .mp3

Arjuna Wiwaha .mp3

Astrajingga Gugat .mp3

Astrajingga Tiwikrama .mp3

Bambang Melasrana .mp3
Bambang Surya Ningrat .mp3
Bandung Bandawasa Nitis .mp3
Bandung Naga Sewu .mp3
Bambang Kaca .mp3
Bima Mungkus .mp3
Bima Murka .mp3
Dawala di Istrenan .mp3
Dewi Priasmara .mp3
Dorna Gugur .mp3

Gatotkaca Krama .mp3

Gatotkaca Mangkat Birahi .mp3
Irawan Palastra .mp3
Jaka Gintiri (Semar Rarabi) .mp3
Karna Diperdaya .mp3
Kitab Sastra Jendra Rahayu Ningrat .mp3

Nalaka Sura Boma Pejah .mp3

Narayana Ngadeg Raja .mp3
Narayana Ngalalana .mp3
Pancawala Lahir .mp3
Pandawa Adu Bola .mp3
Pandawa Tuntas Nyamur .mp3
Prabu Gondayitma .mp3
Pramaditra .mp3

Rama Bergawa Mukswa .mp3

Sanghiang Ajar Sakti .mp3
Sanghiang Danar Willis .mp3
Sanghiang Dewa Brata .mp3
Tirta Wanara Suta .mp3

Video/MP4
Bayu Sutha Pawana

Budak Buncir

Dewala Jadi Raja

Dewi Nila Ningrum

Jabang Tutuka
Kresna Murka
Parta Karma

Sanghyang Tunggal Wibawa
Semar Gugat
Trijaya Sakti
Wahyu Cakra Ningrat
Wisanggeni

Mugia janten panglipur kalbu, pangbeberah kana manah. Kangge sadaya pamiarsa anu mikacinta kana seni sunda wayang golek. Hususna penggemar Ki Dalang Asep Sundar Sunarya sareng rengrengan Giriharja 3.

Kamis, 05 April 2018

Rupa - rupa Kadaharan Sunda

Cilok

Cilok atanapi aci dicolok nyaéta kadaharan asli ti Sunda. Dijieunna tina tipung aci wungkul atanapi dicampur sareng tarigu teras dicampur cai tuluy dikulub. Jang nambah kanu rasa, umumna adonanna ditambahan bungbu, bisa ogé uyah hungkul.

Aya deui istilah anyar cilok gaul, nyaeta cilok anu aya eusina. Eusina bisa rupi-rupi, misalna: abon, sosis, gajih, urat, endog puyuh, jeung sajabana.

Cilok biasa didahar jeung sambel kacang sareng kécap.

Ciréng

Ciréng kapondokan tina aci digoréng, nyaéta kadaharan nu ilahar di Sunda, dijieun tina aci sampeu, dibungbuan, tuluy digoréng.

Resép cireng

Bahan:

100 g tipung aci
1 sdm tipung tarigu
375 ml cai
1/2 sdt pedes bubuk
1 sdt uyah
1 siung bawang bodas, diparud
30 g kacang kadelé bodas, dikeueuman nepi ka hipu, tuluy pisahkeun
1 batang bawang daun, iris halus
minyak goreng

Cara nyieun

Aduk tipung jeung cai, pedes, jeung uyah nepi ka rata. Tambihan ku bahan sejenna, galokeun sing rata. Goréng saséndok saséndok nepi koneng jeung garing. Angkat.

Kanggo 10 sikieun.

Comro

Comro atawa combro nyaéta kadaharan has ti Jawa Kulon. Comro dijieun tina parudan sampeu anu dibentuk buleud atawa lonjong anu bagian jerona dieusian sambel oncomnu saterusna digoréng, mangkana kadaharan ieu dingaranan comro anu mangrupa singketan tina oncom di jero. Kadaharan ieu leiwih ngeunah lamun didahar waktu haneutkénéh.

Misro

Misro nyaéta kadaharan has ti Jawa Kulon. Misro dijieun tina parudan sampeu anu dibentuk lonjong sarta bagian jerona dieusian gula beureum nu saterusna digoréng, alatan éta pisan dingaranan Misro anu mangrupa singketan tina amis di jero (basa Sunda). Kadaharan ieu leuwih ngeunah lamun didahar mangsa masih kénéh haneut.

Jéngkol

Jéngkol (Archidendron pauciflorum, sinonim: A. jiringa, Pithecellobium jiringa, sarta P. lobatum) nyaéta tutuwuhan has di wewengkon Asia Tenggara. Sikina dipikaresep di Malaysia, Thailand, jeung Indonésia keur bahan kadaharan. Buahna mangrupakeun peuteuy sarta bentukna gepéng meulit ngabentuk spiral, boga warna layung kolot. Siki jéngkol boga kulit ari nu ipis jeung warnana coklat ngagurilap. Jéngkol bisa ngabalukarkeun bau nu teu ngeunah dina cikiih sanggeus dikokolakeun sarta diprosés ku peujit, utamana lamun didahar atah.

Jéngkol dipikanyaho bisa nyingkahan diabétes sarta alus pikeun kaséhatan jantung. Tangkal jéngkol dianggap ogé miboga kamampuh nu hadé pikeun nyerep cai taneuhsahingga méré mangpaat dina konsérvasi cai di hiji tempat.

Pamangpaatan

Siki jéngkol biasa didahar atah atawa dikokolakeun (biasana disemur, sarta dipikawanoh ku urang Sunda minangka ati maung atawa “ati macan”). Sikina beyé sarta hipu. Tékstur ieu pisan anu ngajadikeun jéngkol dipikaresep.

Sajaba disemur, siki jéngkol ogé bisa dijieun jadi kiripik kawas emping nu dijieun tina tangkil, ku cara ditutu/digencét nepi ka gepéng, digaringkeun sarta digoréng maké minyak panas.

Akibat goréng tina bauna sabenerna bisa dikurangan ku cara dikeueum atawa dikulub.

Jéngkol jeung gangguan kaséhatan

Sajaba bau, jéngkol bisa ngaganggu kaséhatan hiji jalma alatan konsumsi nu kaleuleuwihi nu ngabalukarkeun numpukna kristal dina saluran cikiih, anu disebut “jéngkoleun”. Jéngkoleun kajadian alatan jéngkol ngandung réa asam jéngkolat sarta hésé puyar dina cai nu PHna haseum. Konsumsi jéngkol nu kaleuleuwihi baris ngabalukarkeun kawangunna kristal sarta ngaganggu kiih.

Koci

Koci nyaéta hiji katuangan nu ilahar kapendak di wewengkn pulo Jawa, didamelna tina ketan nu aya eusian tina parudan kalapa sareng gula beureum atanapi campuran kacang hejo sareng gula beureum, dibungkus daun cau. Di Madiun, Jawa Tmur, koci katelah mbel-mbelan.

Bahan dasar

Bahan dasarna nyaeta adonan ketan sareng gula beureum (kawung) minangka kulitna, minangka eusina tina campuran parudan kalapa sareng gula beureum atanapi campuran sari kacang hejo sareng gula beureum. Ari bungkusna, nyaeta daun cau. Bahan pangleuleueur nyaeta minyak kalapa.

Ngokolakeunana

Ngasakan ieu katuangeun teh ku cara diseupan (make aseupan dina seeng atawa make langseng).

Bentuk jeung rasa

Bentuk koci nyaeta limas (wangun ruang anu sisina opat segi tilu, bagian handapna segi opat. Ari rasana mah rada pacaket sareng papais.

Wanci nyieuna

Ari kapungkur mah koci teh sok dijieun dina waktu bulan puasa nyedek ka boboran Syawalatapi nyedek ka boboran Rayagung, tapi ayeuna mah iraha wae oge sok dijieun.

Kurupuk

Kurupuk (Ind. kerupuk; Ing. crackers) nyaéta salah sahiji jenis kadaharan jajanan (snacks). Najan kitu, di sababaraha wewengkon, utamana di Tatar Sunda, kurupuk biasa dijadikeun batur dahar, boh dahar sangu atawa dahareun “beurat” séjénna (hucap, baso, loték, jrrd.).

Bahan dasar kurupuk biasana sabangsaning tipung nu diadon jeung cai tur bungbu atawa rasa nu dipikahayang nepi ka dalit, diseupan, tuluy ditiiskeun. Bahan satengah jadi ieu tuluy dipotongan atawa dicitak sakumaha bentuk nu dipikahayang (buleud, rungga-renggi, atawa kotak), digaringkeun pikeun engkéna digoréng maké lisah kalapa atawa disangray.

Rupa-rupa kurupuk

Sababaraha jenis kurupuk nu loma aya di Tatar Sunda di antarana:

Kurupuk aci: kurupuk pangkawentarna di Tatar Sunda alias kurupuk standar kulantaran murah. Dijieun tina aci sampeu. Biasana bentukna buleud jeung warnanabisa macem-macem sanajan warna panglomana mah bodas. Ieu kurupuk teu pati kuat dina rasa, meureun kulantaran cara nyieunna nu teu ngagunakeun bungbu.
Kurupuk kulit (rambak, dorokdok): Kurupuk nu loba dijual di wewengkon Cirebon–Indramayu, dijieun tina kulit sapi. Rasana gurih deukeut ka asin tur boga ciri has sok léngkét na létah bari jeung méré “sensasi” tingbeletok. Puseur industrina aya ogé di Garut.
Kurupuk malarat/mlarat: Kurupuk ieu ogé loba dijual di wewengkon Cirebon jeung salah sahiji oleh-oleh dahareun nelah ti Cirebon. Sawatara jelema nyebutkeun yen ngaran kurupuk Mlarat teh diturunkeun ti na kecap “malarat” (melarat; B. Indonesia) nu artina sangsara ku dunya. Bisa jadi ieu teh dihubungkeun ku cara nyieunna nu henteu digoreng ku lisah atawa peletik tapi disangray make keusik panas. Bahan dasar kurupuk ieu sarua jeung kurupuk sejen nyaeta aci. Nu ngabedakeun krupuk ieu dina ngasakeunna nu henteu digoreng make minyak tapi disangray dina keusik panas. Biasana bungbu karek dibalurkeun sabada kurupuk asak. Warna nu loma beureum, bodas, jeung konéng. Di daerah asalna, sabungkus kurupuk mlarat diregaan 3.000-3.500 rupiah.
Kurupuk bondon: warnana beuruem lada tapi kacida nikmatna.

Kurupuk hurang: dijieun make bahan dasar hurang
Kurupuk jéngkol: dijieun make bahan dasar jengkol
Kurupuk géndar: dijieun make bahan dasar gendar
Kurupuk solondok: dijieun tina bahan dasar sampeu, rasana aya nu asin semu amis, aya nu lada. Séntra produksina loba di daérah Kabupatén Magelang, ari nu ngicalna mah di Bandung ogé seueur.

Kurupuk lianna

Sababaraha kadaharan ieu bisa digolongkeun kana golongan kurupuk, sok sanajan sabagean di antarana kadang-kadang disebut kiripik atawa cukup diistilahkeun gogoréngan.

Kurupuk gadung: didamel tina gadung
Saroja:
Kurupuk jaat: dijieun tina jaat
Ér’o (Rangginang oyég):
Kurupuk oyék:
Opak:Didamel tina béas ketan
Kicimpring (di sababaraha wewengkon diseut ogé béca):didamel tina sampeu
Rangginang (raginang, ranginang): didamel tina béas ketan.
Kurupuk édun: kurupuk beureum jeung lada kabeuki barudak sakola
Kurupuk rorombéheun: rupana bareulah jiga dampal suku nu rorombeheun, tapi nikmatna kacida luar biasa.
Rémpéyék (atawa “goréng kacang”): dijieun tina tipung beas nu diabrukan suuk atawa kacang kadelé tuluy digoreng.
Emping, tina tangkil, kadang-kadang aya oge tina sampeu

Oncom

Oncom nyaéta kadaharan tina kacang anu di-fermentasi-keun. Oncom mangrupakeun kadaharan has rahayat di Indonésia. Loba kamonésan tina oncom, diantarana oncom bisa jadi deungeun sangu ku jalan dipais, dibobotok, digoréng biasa, atawa dipasak jeung leunca. Oncom bisa oge dikokolakeun jadi kiripik oncom.

Jenis oncom

Sacara garis badag, oncom aya dua rupa, nyaéta:

Oncom beureum, ilaharna dijieun tina hampas tahu, nyaéta kacang kadelé nu geus dicokot protéinna nalika nyieun tahu. Ku kituna, nu dijieun oncom teh mangrupakeun sesa nyieun tahu. Oncom jenis ieu nyieunna dibantuan ku jamur Neurospora sitophila.
Oncom hideung, ilaharna dijieun tina bungkil suuk, nu kadang-kadang dicampuran ku hampas (onggok) sampeu atawa tipung sampeu, supaya téksturna leuwih alus jeung leuwih hipu. Bungkil suuk mangrupakeun hampas tina suuk nu geus dicokot minyakna ku cara diperes atawa diékstraksi Oncom hideung nyieunna dibantuan ku jamur Rhizopus oligosporus.

Kandungan gizi

Sanajan bahan-bahan oncom mangrupakeun panyesaan, tapi tina segi gizi mah masih keneh padet ku gizi, nu matak kacida nyaahna lamun heug dipiceun atawa ukur dibikeun ka ingon-ingon teh.

Bahan baku sejenna nu diperlukeun nalika nyieun oncom nyaeta kapang. Kapang oncom bisa ngaluarkeun enzim lipase jeung protease nu aktip salila proses fermentasi tur nyekel peranan penting dina nguraikeun pati jadi gula, nguraikeun bahan-bahan pinding sélkacang, nguraikeun lemak, sarta ngawangun alkohol saeutik tur mangrupa-rupa éster nu bauna sedep.

Loba jalma nu kurang ngahargaan oncom tibatan hasil ngokolakeun kakacangan lianna, saperti tahu atawa témpé. Hal ieu teh alatan oncom dijieunna tina hampas tahu atawa suuk. Padahal, sabenerna mah oncom miboga ajén jeung kualitas gizi nu alus minangka hasil tina proses fermentasi. Lamun dibandingkeun, oncom bungkil suuk mibanda protein, lemak jeung padetan nu ngaleyur leuwih loba tibatan oncom hampas tahu.

Ku ayana proses fermentasi, struktur kimia bahan-bahannu tadina kompleks, bakal kaurai jadi senyawa-senyawa nu leuwih basajan sahingga leuwih gampang dicerna jeung dimangpaatkeun ku awak manusa. Proses fermentasi ku kapang oge ngahasilkeun rasa nu dipikaresep ku konsumen.

Kagunaan sejen

Proses fermentasi ku kapang Neurospora sitophila jeung Rhizopus oligosporus geus kabuktian bisa nyegah efek flatulensi (kembung beuteung) sabab salila proses fermentasi, kapang bakal ngahasilkeun enzim alpha-galaktosidase nu bisa nguraikeun raffinosa jeung stakhiosa kadele nepi ka hambalan nu kacida handapna, nu alus keur nyegah dibentukna gas.

Nalika nyieun oncom, kaberesihan proses nyieunna diperlukeun keur nyegah mecenghulna mikroba-mikroba sejen, utamana kapang Apergillus flavus nu bisa mroduksi aflatoksin. Tapi, aflatoksin nu mangrupakeun racun, bisa diteken ku Neurospora sitophila jeung Rhizopus oligosporus. Aflaktosin ilahar mucunghul lamun bahan kakacangan mutuna goreng, ku kituna dina nyieun oncom diperlukeun mutu bahan nu hade.

Sambel

Sambel mangrupakeun deungeun/réncang sangu tradisional masarakat Malayu (kayaning di Indonésia, Malaysia, Singapura) dina wujud kawas saos anu eusina salawasna maké céngék atawa cabé, sahingga rasana condong kana lada. Bentuk saos ieu dihasilkeun tina cara nyieunna, nyaéta ku jalan diréndos dina coét, maké mutu.

Rupa-rupa sambel

Gumantung kana bahan jeung cara nyieunna, nya sambel téh aya sababaraha rupa. Di masarakat Sunda, aya sababaraha rupa sambel, di antarana

sambel goang: bahanna ukur céngék, uyah, jeung surawung, diréndos terus digalokeun kana sangu atawa dicoél ku kacang panjang atah (kumaha karesep), atawa uyah, kécap, minyak jalantah, cabé beureum jeung bawang bodas diréndos tong lembut teuing.
sambel oncom: oncom (beunang meuleum), céngék, beuleum bawang beureum, uyah, gula, cikur (lamun resep), jeung tomat dihijikeun terus diréndos, dicaian saeutik, terus digoréng sakeudeung (teu digoreng oge teu nanaon, kumaha karesep), lalabna cukup ku seupan daun sampeu/gedang, peuteuy, jéngkol jrrd.
sambel tarasi: tarasi, gula, uyah (saeutik), céngék, tomat, bawang beureum; sakabeh bahan digoréng heula iwal gula jeung uyah, sanggeus kira-kira asak terus diréndos dihijikeun sakabéh bahan dina coét, saterusna digoréng sakeudeung. Lalabna bisa seupan daun sampeu atawa lalab atah oge bisa (takokak, jrrd.)
sambel muncang: muncang nu kolot (dibeuleum heula), céngék, uyah, gula; muncang beunang meuleum dihijikeun jeung bungbu nu séjénna terus diréndos dina coét (caian saeutik) ; lalabna jéngkol ngora jrrd.
sambel jahé: jahé, uyah, gula, céngék; jahé diteukteukan laleutik terus diréndos dihijikeun jeung bungbu nu lianna, sanggeus réngsé kécapan sacukupna (lamun resep) terus galokeun jeung lauk beunang meuleum.
sambel buah: buah manggah ngora diparud (sikina mah piceun baé), lajeng cabé beureum, tarasi, céngék, gula, uyah beureum diréndos, saparantosna campurkeun jeung parudan manggah téa, aduk nepi ka rata, biasana baturna jeung beuleum lauk.
sambel kécap: céngék diréndos terus dikécapan.
sambel kacang: suuk beunang ngagoréng diréndos jeung uyah, gula beureum, bawang bodas, cikur, jeung céngék.
sambel picung: picung kelewek (picung sok dikubur heula dina taneuh), uyah, gula, céngék (kahade kudu rada ati-ati bisi picungna aya racunan, mun bisa mah diléob heula ku cai haneut).
sambel goréng: bawang bombay disiksik lajeng digoréng nepi ka konéng, tambahkeun céngék jeung bawang bodas beunang ngaréndos, gula bodas, kécap asin, jeung udang ebi (beunang ngeueum ku cai panas) nepi ka seungit.
sambel tomat:
sambel cibiuk: aya dua rupa, sambel beureum jeung sambel héjo. Sambel beureum dijieun tina tomat beureum, cabé beureum, surawung, gula, uyah, bawang bodas, bawang beureum, jeung cikur, sedengkeun sambel héjo maké tomat jeung cabé héjo. Ieu sambel diréndosna tara nepi ka lembut, sapuratina asal nyampur.

Tahu Sumedang

Tahu Sumedang nyaéta tahu nu asalna ti Sumedang, Jawa Kulon. Tahu ieu biasana digoréng nepi ka rada garing, semu coklat, tur asin. Cocog lamun didahar jeung lontong. Sanajan asalna ti Sumedang, tahu ieu kiwari geus loba dijieun di wewengkon lianna di Indonésia.

Sajarah Tahu Sumedang

Tumuwuh jeung nanjeurna industri tahu di Sumedang, teu leupas tina peran para warga katurunan anu kacatet dina sajarah salaku lulugu tukang nyieun tahu anu dibawa ti nagri maranéhna. Upamana baé lulugu tukang nyieun tahu Sumedang nyaéta Ongkino, Bungkeng, Ong You Kim (Ukim), Ko Aniw, Ko Lento, Ko Jung Gong, jeung Babah Hek. Mangka teu heran kadaharan asal nagri wide (pinding awi) teh dingaranan Tou Fu.

Cenah mah, tahu Sumedang téh dimimitian tina kréativitas nu dipimilik ku bojona Ongkino, nu ti awal mula mangrupakeun nu boga pokal pikeun nyieun Tou Fu Cina anu lambat laun ganti ngaran jadi “Tahu”. Mangtaun-taun, Ongkino jeung bojona terus ngulik usaha maranéhna. Nepikeun ka kurang leuwih taun 1917, anak manéhna hiji-hijina Ong Bung Keng nyusul ka tanah Sumedang. Bung Keng terus neruskeun usaha kadua kolotna nepikeun kaduana milih balik deui ka nagri asalna di Hokian, Cina.

Ngaliwatan alih generasi, Ong Bung Keng, anak tunggal Ongkino, tuluy neruskeun usaha anu diwariskeun ti dua kolotna nepi ka maotna di yuswa 92 warsih. Di balik kahotna Tahu Sumedang aya ogé carita anu rada mistik, kawas naon anu dicaritakeun ku incu ti Ongkino, Suryadi. Kira-kira dina warsih 1928, cenah hiji poé tempat usaha sang aki buyutnya, Ong Bung Keng, didatangan ku Bupati Sumedang, Pangeran Soeria Atmadja anu pareng ngaliwat numpak dokar dina lalampahan nuju ka Situraja.

Sabot nempo si aki ngagoréng tahu, jol aya kapanasaran, kadaharan naon anu keur dijieun si aki. Sajaba bentukna anu unik, aroma pasakanna ogé ngondang anjeunna anu geura-giru turun ti tutumpakanana pikeun menyapa akina anu uplek ngagoréng.

“Maneh keur ngagoréng naon?” tanya bupati ka si aki.

Ngadéngé patarosan éta, Ong Bung Kéng ogé némbalan bari usaha ngécéskeun sebisanya. Yén manéhna téh keur ngagoréng kadaharan anu dipikawanoh di taneuh kalahiranana ngaranna Tou Fu Cina. Kutan, guaran éta, beuki nyieun geremet Pangeran Soeria Atmadja, anu saterusna mecakan ngasaan kadaharan anu kakara mimiti manéhna temui.

Réngsé ngasaan, ujug-ujug Bung Kéng kungsi reuwas ku reaksi pangéran, anu sacara spontan ngungkabkeun kecap-kecap, “Ngeunah geuning tahu téh. Lamun manéh terus ngajual dagangan maneh bakal payu” kedalna bari beungeut pinu ku rasa seubeuh.

Ti kajadian poé éta, lalaunan tapi pasti komara Tou Fu Cina anu henteu ngahaja robah ngaran jadi Tahu Sumedang, alatan omongan pangéran beuki naék. Sumawona, carita datangna sang pangeran gancang sumebar ka sakumna penjuru Dayeuh Sumedang.

Cacak rada mistis, diaku Suryadi, kitu pisan kanyataan. Alatan omongan sang pangéran, ujug-ujug Tahu Sumedang robah jadi hiji kadaharan anu henteu kungsi dipiboga ku wewengkon séjénna.

Ranginang

Rangginang (atawa raginang, ranginang, Basa Indonésia:rengginang, rengginan) mangrupakeun kadaharan nu kasohor di Indonésia. Teu sirikna di unggal wewengkon, utamana di Pulo Jawa, miboga kamonésan ranginang gumantung wewengkonna asing-masing.

Kagunaan rangginang

Rangginang bisa didahar langsung, minangka susuguh keur sémah boh di imah atawa dinu kariaan, atawa bisa oge keur deungeun sangu. Keur didahar langsung, cocog lamun rangginang didahar jeung cikopi.

Rupa-rupa rangginang

Dumasar rasana, rangginang aya nu asin jeung amis. Nu pangilaharna mah rangginang asin.
Dumasar bentukna, wangun rangginang tiasa rupi-rupi, gumantung citakannana, tiasa buleud atanapi kotak, kadang-kadang henteu dicitak ku citakan, mung diréka-réka ku panangan waé.
Dumasar ukurannana, henteu aya babagian ranginang nu pasti dumasar kana ukurannana, tapi rangginang bisa variatif ti ukuran pangleutikna nu diameterna kurang leuwih 3 senti, nepikeun ka rangginang-rangginang gede nu leuwih ti sapuluh senti.
Dumasar nu nyieunna, rangginang bisa dibagi jadi rangginang jieunan sorangan (biasana ibu-ibu di imah sorangan keur nyuguhan semah atawa kadaharan sapopoe, nyieunna make parabotan saayana, citakannana kadang-kadang ukur dijieun tina awi), sarta rangginang jieunan pabrik(kiwari pabrik rangginang loba di mana-mana kalayan make citakan nu leuwih hade)

Bahan ranginang

Ranginang dijieun tina béas ketan anu diseupan sareng dibungbuan. Bungbuna bisa rupa-rupa gumantung kana rasa nu dipikaresep. Pikeun ranginang asin, uyah, bawang bodas jeung sajabana tangtu dibutuhkeun. Kadang-kadang ditambahan tarasi. Keur raginang amis, tangtu kudu make gula.

Cara ngadamel rangginang

Kanggo ngadamel rangginang, beas ketan diseupan sareng dibungbuan. Saparantosna cekap asakna (teu kenging asak teuing), ketan nu tos pagalo sareng bungbu teras dicitak, didaraykeun dina nyiru, ayakan atanapi rupi-rupi anyaman anu tiasa dianggo kanggo moe. Lajeng rangginang dipoé dugikeun ka garing. Saparantosna garing, rangginang atah digoréng.

Bajigur

Bajigur nyaeta salah sahiji inuman ti Sunda atanapi wewengkondaerah Jawa Barat. Bahan utamina nyeta kopi, gula aren, jeung santan kalapa. Keur nambah kanikmatan dicampurkeun oge uyah sarng bubuk vanili sacukupna.

Inuman ieu disayagikeun panas keneh nu biasa diical ngangge gorobak disadiakeun oge komporna pikeun naheur. Bajigur cocok diinum keur cuaca tiris atanapi saenggeus hujan. Tuangeun nu sering disayogikeun sareng bajigur sapertos kulub pisang, kulub hui, atanapi kulub kacang taneuh.

Bandrek

Bandrek sami sareng bajigur mangrupi inuman tradisional orang Sunda ti Jawa Barat. Inuman ieu cocok disayagikeun nuju keur tiris, sapertos nuju hujan atanapi peuting-peuting. Bahan dasarna nu paling penting nyaeta salah sahijina mangrupa jahe jeung gula beureum, tapi di daerah-daerah sejan ditambahkeun rempah-rempah supados karasa haneutna leuwih manjur, sapertos sereh, pedes, pandan, endog hayam kampung, jeung sajabana. Susu bisa oge ditambihkeun, tergantung salera. Seeur nu percanten yen bandrek aya khasiatna keur ngubaran panyakit ringan sapertos nyeri tikoro. Aya oge bandrek nu husus pikeun keur urang dewasa kusabab efek panasna.

Label